कविता

समित शर्मा नाम बतायो, जिले में विकास करायो

भलो आदमी आयो ओ नागीणा मांही।। टेर।।

जेनरिक दवा देणो सिखायो,सहकारी भण्डार खुलवायो

सेवा रो पाठ पढ़ायो ओ,नागीणां मांही

मिनखपणो दरसायो ओ,नागीणां मांही।। 1।।

सस्ती दवा सूं सब सुख पाया,जैपर दिल्ली तक असर दिखाया

मनमोहन बुलवाया ओ दिल्ली रे मांही,जिले रो मान बढ़ायो ओ दिली रे मांही।।2।।

हरियाळा अभियान चलाया,पूजा कर कर पेड़ लगाया

इन्द्र खूब बरसाया ओ,नागीणां मांही।। 3।।

नेहरू उद्यान दिया सुधराई,गांधी वाटिका नई बणाई

ट्रेन और झूला लगाया ओ नागीणां मांही

बालपणो सुख पायो ओ बागां रे मांही।। 4।।

औचक निरीक्षण असर दिखायो,कर्मचार्यां सूं काम करायो

नोटिस घणा थमाया ओ,नागीणां मांही।।5।।

नगरपालिका ने काम लगाई,सुन्दर सड़का दीवी बणाई

अतिक्रमण हटवायो ओ,नागीणां मांही।। 6।।

जल स्रोता री आं सुध लीनी,साफ सफाई सब कर दीनी

श्रमदान करवायो ओ,नागीणां मांही।। 7।।

स्वयंसेवक जद आज्ञा पावे,याद कर्या सब दौड़्या आवे

सबसूं प्रेम बढ़ायो ओ,नागीणां मांही।। 8।।

मोटे मिनखां साईकिल चलाई, नेहरू जयन्ती खूब मनाई

पर्यावरण सुधराया ओ,नागीणां मांही।। 9।।

भारी मन सूं देवा विदाई,रामरतन री अर्जी आही

आता जांता रेज्यो ओ,नागीणां मांही

दर्शन देता रेज्यो, ओ नागीणां मांही।। 10।।